DAMANON
Nag-istoryahanay ang usa ka lalaki ug babaye sa sulod sa barko
Ulitawo: Tupad ra ba ta ug teheras, Day. Pasensya ka na ha kay damanonon ra ba kaayo ko. Kung damanon ko no, kusog ra ba ko mananday.
Dalaga: Ako sab damanon ra ba ko. Kung damanon ko no, mangumot ra ba ko og itlog.
SHY
Pasing: Mare, naunsa man na imong son-in-law nga pila ka tuig na mang walay klarong trabaho?
Claring: Unsaon nga shy man gud na kaayo siya.
Pasing: Shy gud nga tabian man kaayo na!
Claring: Shy tiglaba ba, shy tiglimpyo sa balay, shy say tigluto.
==============================================================
BUGO NGA BATA
Amahan: Dong, lagapak naman sab ka sa tanan nimong subjects!? Katong si Jose Rizal graduate na sa college, sa pareha pa siyay edad nimo!
Anak: Liwat man gud ko nimo Tay, kay kato sab si Manuel Quezon napresidente kadto siya nga pareha nimo ang pangidaron!
==============================================================
INDAY
MC: Unsa'y kantahon nimo, Miss?
Contestant: Inday.
MC: Inday? Wala may kanta nga "Inday."
Contestant: Naa uy! Katong kang Whitney Houston'g kanta ba nga "INDAAAAY WILL ALWAYS LOVE YOU."
==============================================================
PNB ug SSS
Si Ramon, nga bag-ong abot sa America. Nangita og trabaho didto saSan Francisco. Unya iyang nakita si Iko nga silingan niya sa una sa Consolacion
Iko: Bay Ramon, kumusta na. Ha-I ka man nagtrabaho ron?
Ramon: Sa PNB ko, Bay.
Iko: Naa bay PNB dinhi sa San Francisco?
Ramon: Naa man. Kanang PIRMING NAAS BAY ba. Ikaw, Bay, hai ka man magtrabaho?
Iko: Sa SSS ko Bay.
Ramon: Sa SSS?
Iko: SIGING SUROY SUROY ba.
0 comments:
Post a Comment